| e-texts navigator |
| བོད་ཡིག |
32b1 lo stong brgya drug tu// longs sku cha lugs de yi rang sems rtogs// nam rtogs dus na mi rtsol bde chen thob// kye sems dpa' chen po nyon cig/ rgyu 'bras theg chen bzhin du ma yin gyis// kun byed nga yi
32b2 lung 'di nges par zung // ji ltar snang ba'i chos rnams thams cad dang // rang sems chos nyid ye nas gcig yin pas// rgyu 'bras lugs bzhin 'di la rtog ma byed// rang sems de bzhin nyid la rtog ma
32b3 byed// rang sems de bzhin nyid la brtag bya ru// rang gi byang chub ngo bo snang ba yin// 'di las ma rtogs so sos ming btags pa// kun rdzob snang la don dam mi snang 'dogs// don dam kun rdzob gnyis med
32b4 bden pa gcig/ bden pa yang dag nges par yod ma yin// yang dag 'dogs pa nga yang 'khrul pa yin// bde ba 'dod pa chags pa'i nad yin pas// 'dod pa med pas bde ba len par byed// sangs rgyas
32b5 bsgrubs pas grub pa ma yin te// ma btsal rang bzhin gnas pas lhun gyis grub// ma btsal rang bzhin gnas la mi rtog zhog/ sangs rgyas don gyi bla dgas ming 'di la// sangs rgyas yang dag yod par nga mi
32b6 ston// gang zhig sangs rgyas yod par mthong ba ni// chos nyid dbyings las sangs rgyas mi rnyed de// sangs rgyas ma lta rang sems byar med rtogs// brtags na med de rang sems ye nas gsal// dngos su mi
iiif viewer powered by OpenSeadragon
Texts on this page
Gpb008.001 - chos thams cad rdzogs pa chen po byang chub kyi sems kun byed rgyal po