| e-texts navigator |
| བོད་ཡིག |
319a1 gsol// gsungs pa/ sems dpa' chen po nyon cig/ yul dang dbang po rnam par mi rtog sems// de ni sems dpa'i rnal 'byor yin// byang chub yan lag cho 'phrul 'byin pa ni// de ni rnal
319a2 'byor chen po yin// phyag rgya bzhi dang ldan pa ni// de ni yongs su rnal 'byor yin// ye shes dam tshig rang bzhin med blta ba// de ni shin tu rnal 'byor yin// zhes gsungs so// yang gsungs pa/ rang rgyud dag
319a3 pa'i ye shes de ni sems dpa'i rnal 'byor yin// ting 'dzin rnam gsum rim gyis sus bsgom pa// de ni rnal 'byor chen po yin// bsnyen bsgrub bzhi yi 'phro 'du rdzogs byed pa// de ni yongs su rnal 'byor
319a4 yin// sarba bdag nyid chen por blta ba ni// de ni shin tu rnal 'byor yin// zhes gsungs so// yang gsungs pa/ ting 'dzin rnam gsum rim gyis mi bsgom par// rang rgyud dag pas ye shes blta byed pa// de
319a5 sems dpa'i rnal 'byor yin// yab yum thabs dang shes rab mi bsgom par// snying po tsam gyis dkyil 'khor rdzogs byed pa// de ni rnal 'byor chen po yin// rgyu dbyings 'bras bu ye shes lha byed pa// de
319a6 ni yongs su rnal 'byor yin// dbyings dang ye shes gnyis med pa// de ni shin tu rnal 'byor yin// zhes gsungs so// yang gsungs pa// blang dor med pa'i byang chub sems// de ni sems dpa'i rnal 'byor
iiif viewer powered by OpenSeadragon
Texts on this page
Gpb008.016 - byang chub sems kyi man ngag rin po che'i phreng ba bang mdzod 'phrul gyi lde mig