| e-texts navigator |
| བོད་ཡིག |
28a1 las// nga las byung ba'i ston pa sku gsum gyis// rang bzhin dang ni ngo bo sgra tshig gis// ji ltar byung ba'i khungs des yid kyang ches// kye sems dpa' chen po nyon cig/ rtsa ba don gyi dgos pa
28a2 bstan pa ni// snang srid snod bcud bsdus pa thams cad dang // sangs rgyas sems can bsdus pa thams cad kun// kun byed byang chub nga yis byas pa'i phyir// thams cad byang chub sems las ma gtogs
28a3 pa// gzhan zhes bya ba ye nas med pa'i phyir// kun kyang byang chub sems su bstan pa'i phyir// rtsa ba don gyi dgos ched bstan pa yin// kye sems dpa' chen po nyon cig/ yo ga don gyi dgos ched bstan pa
28a4 ni// kun byed pa las byung ba'i sku gsum gyis// longs spyod sku dang chos sku'i bstan pa yi// tan tra la sogs yo ga sde rnams la// so so'i khyad par bye brag yod kyis kyang // rgyu 'bras 'das pa nga yi bstan pa
28a5 ni// rdzogs chen a ti yo ga'i don 'di ni// theg pa shan 'byed rdzogs pa'i lung zhes bshad// des na yo ga'i don gyi dgos pa bstan pa yin zhes bya// kye sems dpa' chen po nyon cig/ dgos ched don gyi
28a6 dgos pa bstan pa ni// bskal pa dpag tu med pa'i sngon rol nas// kun byed byang chub nga la dad pa yi// las dang skal ldan shin tu rnal 'byor pa// lta ba bsgom med dam tshig bsrung du med// phrin las
iiif viewer powered by OpenSeadragon
Texts on this page
Gpb008.001 - chos thams cad rdzogs pa chen po byang chub kyi sems kun byed rgyal po