| e-texts navigator |
| བོད་ཡིག |
258a1 pas 'khor rnams la// bsgom pa dag gi thabs rnams bstan// bla med thar pa thob dga' ba// shes rab thabs la brten pas 'grub// ming tsam thabs la brten nas su// bde ba'i don nyid
258a2 rang las byung // thabs med shes rab dang bral ba// glang chen chu 'dod smig bsnyeg 'dra// dad mos 'phro can snod ldan la// gang zag mtshan rtags gzung thabs bstan// zhe sdang dag gi shas che la// dngul
258a3 dkar zhun ma'i sems 'dzin bstan// gti mug dag gi shas che la// snang gsal sgron me'i sems 'dzin bstan// nga rgyal dag gi shas che la// zhi ba lha yi sems 'dzin bstan// 'dod chags dag gi shas che
258a4 la// bdud rtsi bum pa'i sems 'dzin bstan// phrag dog dag gi shas che la// yi ge 'bru yi sems 'dzin bstan// rnam lnga 'di la bsten nas kyang // ngo bo nyid ni shin tu bsgom// byang chub dam pa sangs rgyas
258a5 rang gi sems// sna tshogs glog bzhin snang yang gyi nar bzhag/ bsams shing bsgom de bsgom pa'i yul las 'das// bde gshegs rang rig rang byung rang zhir bzhag/ khong klong yangs par gzhag pa de bzhin
258a6 no// yul drug rkyen gyis mi non 'khrul mi 'gyur// 'du shes dag gis bsam du med pas na// gang yang mi sems mi bsam mnyam par zhog/ bsams shing bsgom de bsgom pa'i yul las 'das// gong du
iiif viewer powered by OpenSeadragon
Texts on this page
Gpb008.011 - rgyud kyi rgyal po gser gyi rus sbal rdo rje theg pa rtsa ba'i rgyud