rKTs

e-texts navigator

Page

251b₁ par bya// gang zhig dgongs pa'i don gol sgyu ma'i lus la bde ba can// bsam gtan tsog pu'i rgyud nyid bstan par bya// gang zhig blta ba'i lta ba ma rtogs la// thugs kyi yang gter rgyud nyid bstan par
251b₂ bya// gang zhig man ngag gis man ngag ma rdzogs pa la// gsang ba yang gter rgyud nyid bstan par bya// gang zhig 'khrul pa'i yid phyogs bral ba la// mu tig phreng ba thabs kyi rgyud nyid bstan par bya// gang
251b₃ zhig lta spyod ya bral gyur pa la// rjes 'jug spyod pa'i rgyud nyid bstan par bya// de bzhin blo yi khyad par so so la// man ngag rdo rje theg pa gcig tu babs// zhes ston pa nyid sku che ba'i yon tan dang ldan
251b₄ nas thugs rjes phyi rabs kyi don du bstan pa/ gleng gzhi'i le'u ste dang po'o// // de nas ston pa nyid sku rdo rje lta bu'i ngo bor bzhugs te/ de'i tshe de'i dus na/ 'khor rnams kyi nang nas/ sems dpa' rdo
251b₅ rjes zhus pa/ khams gsum 'khor ba'i sems can skye dang 'chi la brtag/ zo chu'i 'khyud mo shing rta'i 'phang lo 'dra// sdug bsngal bzhi las thar pa'i dus mtha' med// 'khor ba 'di las thar pa thob thabs
251b₆ shig/ thugs kyi dkyil nas nges pa'i bcud phyung ba// phyi rabs don du bstan pa gzhag tu gsol// zhes zhus pa dang // de yi ston pas bka' stsal pa// sems dpa' rdo rje la sogs kun// shin tu lus thud

_{iiif viewer powered by OpenSeadragon}

251a - 252a

Texts on this page