| e-texts navigator |
| བོད་ཡིག |
24b1 gsang ba gsum du bkod// de la rnam pa gsum gsum dgur grags pa// sbrul sku thugs rjes ji ltar 'dul gsum bsgrags// longs spyod bya byed phyi nang gsum du sgrogs// chos sku gsang ba'i mngon pa gsum
24b2 sgrogs pa// phyi dang nang dang gsang ba gsum po de// lus dang ngag dang yid dang sku gsung thugs// de las 'phros pas rnam pa dgur byung ba// la dgu lung dgu lam dgu bgrod pa yis// theg gcig kun byed
24b3 byang chub sa la bgrod// kun byed bya byed med par rtsol sgrub 'das// bgrod pa med par byang chub sa la phyin// zhes gsungs so// byang chub kyi sems kun byed rgyal po las phun sum tshogs pa shin tu dkon pa'i
24b4 le'u ste bcu pa'o// // de nas byang chub kyi sems kun byed rgyal pos chos thams cad kyi rtsa ba bsdus pa 'di gsungs so// kye sems dpa' chen po nyon cig/ chos thams cad kyi rang bzhin
24b5 dang rtsa ba ni 'di lta ste// nga ni chos kun rang bzhin yin pa ste// nga yi rang bzhin las ni chos gzhan med// ston pa sku gsum pa yi rang bzhin yin// dus gsum sangs rgyas nga yi rang bzhin yin// byang chub
24b6 sems dpa' nga yi rang bzhin yin// rnal 'byor rnam bzhi nga yi rang bzhin yin// 'dod khams gzugs khams gzugs med khams gsum yang // kun byed nga yi rang bzhin bstan pa yin// 'byung chen lnga yang
iiif viewer powered by OpenSeadragon
Texts on this page
Gpb008.001 - chos thams cad rdzogs pa chen po byang chub kyi sems kun byed rgyal po