| e-texts navigator |
| བོད་ཡིག |
18b1 'byung ye shes sgrib pa med pa'i phyir// rig pa'i ye shes gsal bar bskyed du med// thams cad nga yi sa ru gnas pa'i phyir// sbyangs nas bgrod pa'i sa ni yod ma yin// nga yis kun la khyab par gnas pa'i
18b2 phyir// nga la bgrod par bya ba'i lam yod min// nga ni ye nas gzung 'dzin bral ba'i phyir// phra ba zhes ni ming du gdags su med// nga yi gzugs kyis kun la khyab pa'i phyir// gnyis zhes bya ba ye nas yod ma
18b3 yin// nga ni ye nas rang 'byung ye shes la// nga la gzhan gyis gtan la dbab tu med// nga ni kun gyi byang chub snying po bas// gsang ba'i man ngag gzhan na yod ma yin// sgo dang skur ba kun las 'das pa'i
18b4 phyir// chos rnams kun gyi la ni nga yis bzlas// nga med pa yi yul ni gzhan med pas// lta ba bsgom du med par la yang bzlas// nga las gzhan du bsrung du med pa'i phyir// dam tshig bsrung du med par la yang
18b5 bzlas// nga las gzhan du btsal du med pa'i phyir// phrin las btsal du med par la yang bzlas// nga las gzhan du gnas pa med pa'i phyir// sa la sbyang du med par la yang bzlas// nga la sgrib pa ye nas med
18b6 pa'i phyir// rang 'byung ye shes yin par la yang bzlas// nga ni ma skyes chos nyid yin pa'i phyir// phra ba chos nyid yin par la yang bzlas// nga las gzhan du bgrod du med pa'i phyir// lam la bgrod du med par
iiif viewer powered by OpenSeadragon
Texts on this page
Gpb008.001 - chos thams cad rdzogs pa chen po byang chub kyi sems kun byed rgyal po