| e-texts navigator |
| བོད་ཡིག |
158a1 ni// byang chub sems kyi de nyid de// sems dang chos dang ye shes de// ngo bo dag gi de nyid do// sngon dang da ltar phyi ma dang // de dang 'dra ba kun gyi'o// shin tu rnal 'byor de nyid ni// rnam pa bzhi
158a2 ru bgrang bar bya// sangs rgyas sems can rgyud drug kun// ma bcos sems kyi de nyid de// snang srid snod bcud thams cad kun// ma byas chos ni de nyid do// dus gsum bskyod pa med pa ni// ma bsgribs ye
158a3 shes de nyid do// thams cad yongs su rdzogs pa ni// ngo bo dag gi de nyid do// kun tu rnal 'byor de nyid ni// rnam pa bzhi ru bgrang bar bya// chos dbyings ji ltar rig pa de// de ni sems kyi de nyid
158a4 yin// dbyings nyid cir yang bcos med pas// de ni chos kyi de nyid yin// dbyings dang ye shes gsal ba ni// de ni ye shes de nyid yin// dbyings dang ye shes gnyis med pas// de ni ngo bo de nyid
158a5 yin// rnal 'byor chen po'i de nyid kyang // rnam pa gzhi ru shes par bya// yi ge hUM la sogs pa ni// de las thams cad bskyed pa ni// sems kyi de nyid yin par bshad// phung po 'byung ba rnam shes yul// snang
158a6 la rang bzhin med pas ni// ye nas chos nyid de nyid yin// de ltar ma bsgribs gsal ba ni// ye shes dag gi de nyid yin// bdag nyid chen po grub pa ni// ngo bo dag gi de nyid do// sems dpa'i rnal 'byor
iiif viewer powered by OpenSeadragon
Texts on this page
Gpb008.002 - chos thams cad rdzogs pa chen po byang chub kyi sems su 'dus pa'i mdo