| e-texts navigator |
| བོད་ཡིག |
112b1 rgyal po la sems dpa' rdo rjes 'di skad ces zhus so// kye ston pa'i ston pa kun byed rgyal po lags// ji ltar snang ba'i chos ni khyod kyis byas// bstan pa'i dam chos ma lus khyod kyis bkod// dam pa'i rang
112b2 bzhin khyod kyis bstan pas na/ khyod kyi rang bzhin rtogs na chos kun rtogs// de bas kun byed nyid kyi rang bzhin 'di// 'dus pa'i tshogs kyis gsal bar ma rig pas// don du ji ltar gnas pa bshad du
112b3 gsol// zhes zhus so// de nas byang chub kyi sems kun byed rgyal pos mdo lung rgyud la bsdu ba 'di gsungs so// kye sems dpa' rdo rje legs par nan tan gyis// ston pa'i ston pa kun byed rgyal po
112b4 yis// 'khor la mdo lung bsdus pa 'di phog pa// legs par bstan pa'i don la nan tan gyis// kye nga yi rang bzhin skye med don gcig la// rgyud kyi rang bzhin rnam pa gsum du bstan// gdams pa rnam pa
112b5 gsum gyi rim pa yis// rgyud ni rtsa ba'i rgyud dang phyi ma dang // phyi ma'i phyi mas don rdzogs bstan pa yin// kye rtsa ba zos pa'i rang bzhin bstan pa ni// nga yi rang bzhin lnga bcu rtsa bdun gyis// dngos po'i don
112b6 kun gtan la phab pa ste// sems dpa' rdo rje legs par nan tan gyis// kye nga yi rang bzhin lnga bcu rtsa bdun ni// mngon du phyung ba'i mdo lung bcu po dang // nges par bstan pa'i mdo lung bcu po dang //
iiif viewer powered by OpenSeadragon
Texts on this page
Gpb008.001 - chos thams cad rdzogs pa chen po byang chub kyi sems kun byed rgyal po