| e-texts navigator |
| བོད་ཡིག |
10b1 ba'i brjod med de rig byed// chos kun byang chub sems yin de dpe ni// kun dpe nam mkha' lta bu'i rang bzhin du// byang chub sems kyi don yang de bzhin no// nam mkha' rlung chus sa me snang ba lnga// byang
10b2 chub sems las rmad byung mngon sangs rgyas// srid gsum lam lnga 'gro drug snang ba yang // rnam smin las kyis mi bskyod mngon sangs rgyas/ khams gsum ye nas byang chub sku gsung thugs// de bas snang srid
10b3 snod bcud thams cad kun// nam mkha'i ngang na mi gnas med pa bzhin// byang chub sems kyi klong chen yul che bas// sangs rgyas sems can snod bcud kun kyang gnas// thams cad rnam par dag pa'i chos
10b4 nyid la// gnyis su med de sgo skur kun dang bral// gang gis med pa'i snying po sems ma mthong // bskal pa du mar don dang phrad mi 'gyur// chos kun rtsa ba byang chub sems su gcig/ sangs rgyas sems can
10b5 snang srid snod bcud kun// thams cad 'byung ba'i byang chub snying po la// gcig tu med las bgrangs na brjod mi lang // sangs rgyas sku gsung sems can lus ngag kyang // byang chub sems yin ye nas gzung
10b6 'dzin bral// gzung 'dzin bral ba gang gis grub pa de// des ni kun grub chos kyi rtsa ba grub// byang chub sems kyi mdo rtsa gcig pu la// sems shing rtog la dga' bas rnam par bgrangs// gnyis dang grangs/
iiif viewer powered by OpenSeadragon
Texts on this page
Gpb008.001 - chos thams cad rdzogs pa chen po byang chub kyi sems kun byed rgyal po