| e-texts navigator |
| བོད་ཡིག |
106a1 bkod pa yin// kye ston pa'i ston pa kun byed rgyal po yis// snying po rig pa'i dkyil 'khor bkod pa ni// ji ltar dran rig rtog pa thams cad kun// ma skyes kun byed nyid kyi don du rig/ kun
106a2 byed nga yi sku gsung thugs nyid ni// ma bcos rnal du bzhag pa'i dkyil 'khor gsum// ma bkod dus gcig rdzogs pa'i don rtogs pas// lhun grub snying po don la 'jug par byed// kye sems dpa' rdo rje ji
106a3 bzhin nyid sgoms shig/ rang 'byung snying po mchog gi dkyil 'khor la// sgo gsum lhug pas ji bzhin dang bzhag na// kun byed nga yi dgongs par gnas pa yin// snga rabs 'das pa'i kun byed rgyal pos
106a4 kyang // dgongs pa rnal du bzhag pas don rdzogs la// ma byon dus kyi kun byed rgyal pos kyang // ma bcos rnal du bzhag pas don rdzogs 'gyur// da ltar bzhugs pa'i kun byed rgyal pos kyang // dgongs pa
106a5 rnal du bzhag ste gnas pa yin// kye sems dpa' rdo rje chen po khyod sgoms shig/ nga yi 'khor du gtogs pa'i rnal 'byor pa// kun byed rgal po'i dgongs pa 'di nyid la// ma btsal rnal du bzhag par
106a6 ston cig/ dgongs pa rnal du bzhag pa'i don 'di ni// kun gyi spyod yul min pas mi shes shing // mnyam par bzhag pas rtogs pa'i yul las 'das// kun byed rgyal po de la gnas par byed// ces gsungs
iiif viewer powered by OpenSeadragon
Texts on this page
Gpb008.001 - chos thams cad rdzogs pa chen po byang chub kyi sems kun byed rgyal po