| e-texts navigator |
| བོད་ཡིག |
93b1 rgyal ba ma lus kyis// phrin las ci mdzad 'di yis mdzad// khams gsum sems can thams cad kyis// bya ba ci byed 'di yis byas// nyid la byas pa gang yang med// ma byas don kun 'grub pa'i
93b2 phyir// 'dod 'byung nor bu rin po che// cho 'phrul chen po 'byung ba'i gzhi// chos kyi 'khor lo bskor ba'i tshul// zhes gsungs so// klong chen rab 'byams rgyal po'i rgyud las/ don la g.yos pa med pa'i le'u
93b3 ste nyi shu rtsa bzhi pa'o// // de nas yang bcom ldan 'das kyis nyid kyi dgongs pa ma nor pa'i don 'di gsungs so// ji srid chos rnams thams cad kun// rtsa ba rang gi byang chub sems// yan lag snang
93b4 grags kun tu shar// sems nyid ye nas ma skyes pas// 'khor 'das skye med dus gcig rdzogs// nyon mongs bde sdug la stsogs kun// spang du med de bdag nyid rang // byang chub sems las gzhan med
93b5 pas// skye med rang gi rgyan du rdzogs// dge ba'i bsam gtan dus tshigs dang // spyod yul ngo la snang ba'i chos// dngos po kun gyi rang bzhin yang // byang chub sems nyid de yi rgyan// thams cad rgyan ldan
93b6 yongs rdzogs pas// rdzogs pa chen po dbyer med chos// la la yin la la la min// kun kyang 'dra bar yongs rdzogs pas// 'og mas bgrangs pa'i bye brag med// skye ba med pa'i chos nyid la// rgyu rkyen med de
iiif viewer powered by OpenSeadragon
Texts on this page
Gpb007.005 - klong chen rab 'byams rgyal po'i rgyud