| e-texts navigator |
| བོད་ཡིག |
93a1 chos// dngos gzhi med pa'i chos nyid la// ci la rtog cing ci la spyod// btsal bar bya ba'i yul med pas// dpes mtshon tshig tu brjod du med// de nyid dang ni de ma yin// ji bzhin pa dang de
93a2 las gzhan// ma nor pa dang 'khrul pa dang // ma bcos pa dang bcos pa dang // gzhan ma yin dang rang yin dang // chos can dang ni chos nyid dang // dbyings dang dngos po la sogs pa// bzang ngan bye brag
93a3 'byed pa ni// 'di kun rang bzhin 'khrul pa'i blo// byang chub sems la dbye ba med// stong nyid snying po'i klong chen 'di// skad cig rtogs pa tsam gyis kyang // byang chub klong du der son pas// mtshan ma'i chos
93a4 la rag mi lus// stong pa'i chos la blo mi gnas// cir yang med las gar yang snang // mthong ba med par kun tu gsal// brtags na ma rnyed cir yang 'char// dngos po med las snying po 'byung // rang bzhin
93a5 med par kun la khyab// dngos gzhi med par thams cad 'byung // bsgrub tu med par ci yang 'grub/ gtang bzhag med par rang la gnas// 'dod pa med par don kun 'grub// 'dod dgur 'byung bas btsal
93a6 mi dgos// ye shes nyi ma rang la shar// gsang sngags don kun bskyed pa'i gzhi// gdul bya ma lus 'dul ba'i zhing // thams cad bdag nyid byang chub klong // mi mdzad mdzad pa mthar phyin pas// dus gsum
iiif viewer powered by OpenSeadragon
Texts on this page
Gpb007.005 - klong chen rab 'byams rgyal po'i rgyud