| e-texts navigator |
| བོད་ཡིག |
80b1 pas na// sangs rgyas gzhan na rdul tsam med// mya ngan 'das pa'i zhing khams de// khams gsum sems can btson ra ste// gnyis med 'dus pa'i klong chen de// kun la snyoms pa'i 'gro khungs yin// de la
80b2 med pa btsal du med// de la yod pa spang du med// stor bral med pa'i klong chen de// 'du 'bral med pa'i pho brang yin// byang chub sems kyi mtshan nyid yin// thams cad kun la mnyam par gnas// g.yos pa
80b3 med par rgyun du gnas// rang bzhin dag par rgyun du gnas// mtshon du med par rgyun du gnas// kha dog dbyibs su mi rtog ste// rang gi mtshan nyid dmigs su med// de shes don la 'da' ba med// yon
80b4 tan lhun gyis rdzogs pas na// rang gi sems las ma gtogs pa'i// chos gzhan logs na ye nas med// 'di la phyi dang nang med pas// gnyis su mi 'byed phyi dang nang // rang bzhin kun tu bzang mor
80b5 gcig/ pha rol tshu rol ma mthong bas// mtha' gnyis klong du mnyam par gnas// mnyam nyid gcig la gnyis med pas// mi 'byed rgyal ba'i sku ru gcig/ rgyal ba'i sku las ma gtogs pa'i// ting 'dzin
80b6 yul la bsgom mi dgos// dbang po rang yan ma gtogs pa// dben pa'i dgon gnas bzung mi dgos// yul sems klong du gcig pas na// nyams dga' phyi rol blta ru med// lam dang 'bras bu'i chos
iiif viewer powered by OpenSeadragon
Texts on this page
Gpb007.005 - klong chen rab 'byams rgyal po'i rgyud