| e-texts navigator |
| བོད་ཡིག |
78b1 la spyod pa ni// rnyed par mi 'gyur tshe chad nas// btsal ba'i spyod yul kun las 'das// bsam pa'i yul du snang ba med// ces gsungs so// klong chen rab 'byams rgyal po'i rgyud las/ don mnyam pa nyid du
78b2 bstan pa'i le'u ste bcu bzhi pa'o// // de nas yang bcom ldan 'das kyis dgongs pa'i don ma nor ba'i don// 'khor rnams la bka' stsal ba/ byang chub bde ba'i klong chen na// log rtog 'khrul pas
78b3 brtags nas ni// rgyu dang 'bras bu'i don rtogs pa// yang dag gnas su de mi skyol// don mthong lam nas log pa bzhin// rang gi snang tshul ma shes pas// rgyu rkyen med la de yang bsgrib// rang bzhin g.yo/
78b4 'gul med pa la// de ltar de bzhin gnas pa ni// ji ltar gnas kyang rang gi sems// gzhan du snang ba rdul tsam med// rang las ma gtogs gzhan zhig tu// gud du cir yang btsal du med// stong pa'i blo dang
78b5 mtshan ma'i rtags// dus rnams rtag tu dbyer med pas// de ltar de bzhin gnas pas ni// ji ltar gnas kyang byang chub sems// stong pa'i bzhag sa logs na med// gnyis med rig pa'i don de la// nyams
78b6 su blangs dang ma blangs blo// bsgoms pas mtshan ma'i klung mi zlog/ de nyid rang bzhin gzhir bzhag la// sangs rgyas rnams kyis ci la bsgrubs// gang yang dmigs su med pa la// sems can blang dor ci la
iiif viewer powered by OpenSeadragon
Texts on this page
Gpb007.005 - klong chen rab 'byams rgyal po'i rgyud