| e-texts navigator |
| བོད་ཡིག |
72a1 kun kyang dmigs su med// skye med kun tu bzang mo'i dbyings// phyogs med rkyen gyis cir shar yang // 'dod dgur 'byung zhing snang bar zad// shes rab rnam grol dag pa la// yul med rig
72a2 pa klong du gsal// bdag rtog dngos po nam mkhar zhi// dngos por brtags kyang stong pa'i klong // ye nas 'dzin pa med pa la// stong pa nyid du gang rtog pa// 'khor ba'i sa bon btab pa yis// rgyu 'bras zag/
72a3 bcas gnas su gol// 'khor 'das gnyis su snang ba yang // mnyam pa'i rgyal po de las med// de bzhin nyid la 'khor 'das dag/ dag dang ma dag gcig las snang // snang yul zhen pa'i ngo bo med// stong
72a4 pa'i phyogs su gang 'dzin pa// de bas zhen pa'i bdud du song // rang gi mtshan nyid 'dzin pa dang // dngos por 'dzin pa ldog pa la// stong pa zhes su btags par zad// rang rig gcig gi ngo bo la// stong dang
72a5 dngos po'i sgro 'dogs med// sdug bsngal drag pos gzir ba'i dus// 'khor ba'i btson rar gnas tsam na// byang chub sems kyi rang bzhin la// sdug bsngal de yi mtshan nyid dang // bde bar snang ba'i rgyu
72a6 mtshan med// rang rig dbang du 'dus pa dang // rang byung ye shes mnga' brnyes pas// thams cad rnams grol lam chen der// gcig tu 'gro bar thag chod pas// mtho dman med pa'i lam yang de// bzang
iiif viewer powered by OpenSeadragon
Texts on this page
Gpb007.005 - klong chen rab 'byams rgyal po'i rgyud