| e-texts navigator |
| བོད་ཡིག |
70b1 btsal du med// rang bzhin gnas pa'i chos nyid de/ cir yang brtag par mi bya zhing // spyod pa'i mtha' dang rnam par bral// ma brtags ma dpyad chos nyid de// skad cig tsam du mi 'bral zhing // yongs la
70b2 gnas pas gdal ba'i klong // kun gyi rang bzhin 'di yin pas// kun 'byung snying po theg pa'i mchog/ rnam par dag pa'i klong chen la// dpag cing dmigs su ye nas med// 'on kyang dam par blta ba
70b3 med// med par blta ba dam pa'i klong // kun gyi rang bzhin 'di yin pas// spyod yul phyogs med ye sangs rgyas// 'di la phyogs cha yongs mi mnga'/ 'di la sgrib pa bsal du med// 'di la bsngags pa brjod
70b4 mi dgos// chos nyid stong pa gzhi med 'di// la las rgyal po'i tshul du mthong // la las dmangs dang 'khor ltar mthong // la las yang dag nyid du mthong // 'di la mthong ba bsam mi khyab// ji ltar mthong
70b5 yang rang yin te// rtog pa ma skye yang dag ltos// the tshom ma za dbyings su grol// grol bas yon tan khyad par 'phags// sangs rgyas rnams ni chags pa che// dus gsum rgyun du dbyings la zhe na// sems can
70b6 rnams ni rtog pa che// rang snang gcig la gzhan du rtog/ dbyings la chags bral chags chen po// mi gnas don la sbyor ba'i phyir// yangs shing rgya cher rab gsal bas// klong gsal mar me myur du
iiif viewer powered by OpenSeadragon
Texts on this page
Gpb007.005 - klong chen rab 'byams rgyal po'i rgyud