| e-texts navigator |
| བོད་ཡིག |
70a1 pa/ kun gzhi chos nyid zang thal la// rig pa zod rgal 'bar zhing 'phro// ma rtogs pa la rnam par rtog/ rtogs pa'i klong la ye shes 'bar// 'khor ba nyid na 'khor ba med// 'khrul 'khor nyid
70a2 na mya ngan 'das// mkhas pa rnams la ye shes shar// mi mkhas pa la mun par snang // 'di bor bdud rtsi gzhan na med// skye shi med pas 'dus ma byas// ye nas rdo rje snying po'i sku// rgyu 'bras med las 'byung
70a3 ba'i phyir// ye nas nam mkha' lta bu'i ngang // ma nor don gyi lung 'di la// ma btsal thabs kyi mchog tu bstan// gang la bstan par bya ba dang // mi bstan pa'ang rang la med// yod dang med pa'i mtha' 'jig
70a4 pas// tshad mas rtogs pa ma yin te// bshig tu med pas rdo rje'i sems// 'khrul pas yod med mtha' 'tshol ba// nam mkha' mtho yis 'jal ba bzhin// rig pa gtan la phebs mi 'gyur// mtha' rnams
70a5 rang sar ma grol zhing // yul rnams rang du ma 'dus par// sangs rgyas 'byung bar 'dod pa ni// blta zhing bltas shing brtags pas 'khrul// rgyu dang 'bras bur zhen pas bslad// 'di las gzhan pa'i sangs
70a6 rgyas chos// rgyu rkyen gnyis kyis mi 'grub ste// rgyu rkyen gnyis ka glo bur chos// de gnyis yod na skye 'jig yod// de gnyis med na skye 'jig med// skye 'jig med pas yang dag lam// rang la gnas pas
iiif viewer powered by OpenSeadragon
Texts on this page
Gpb007.005 - klong chen rab 'byams rgyal po'i rgyud