| e-texts navigator |
| བོད་ཡིག |
66a1 kyi dbyings// de ltar snang yang snang 'byams rang // mtshan med thig le lhun 'byams la// phyi nang gnyis ka gnyis med stong // kun snang khyab gdal chos kyi dbyings// ji ltar stong yang dbyings
66a2 su 'byams// cir gsal thig le lhun 'byams la// phyi nang gnyis ka gnyis med rig/ kun rig yul med chos kyi dbyings// ji ltar rig kyang rig pa'i dbyings// shar nub med pa'i thig le la// phyi nang
66a3 gnyis ka gnyis med shar// kun shar zang thal chos kyi dbyings// ji ltar shar yang ye shes 'byams// 'pho 'gyur med pa'i lhun grub la// phyi nang gnyis ka gnyis med gnas// kun gzhi gnas 'gyur chos kyi
66a4 dbyings// ji ltar gnas kyang lhun grub 'byams// skye 'gag med pa'i thig le la// phyi nang gnyis ka gnyis med grol// kun grol nyag gcig chos kyi dbyings// ji ltar grol kyang chos sku'i klong // klong
66a5 'byams chen po de nyid la// dus gsum rnam pa thams cad du// ji ltar byas kyang chos nyid rang // chos nyid klong la mtshan ma med// yod med la sogs rnam pa kun// ye nas ma skyes gzhi med pas// cir snang
66a6 mtshan ma med par snang // bcos bslad ngang gis bya mi dgos// sus kyang ma bcos ma byas pa'i// nam mkha' lta bu'i rang bzhin la// 'ja' tshon sprin tshogs glo bur chos// rtog pa'i byung tshor ji snyed pa// nam
iiif viewer powered by OpenSeadragon
Texts on this page
Gpb007.005 - klong chen rab 'byams rgyal po'i rgyud