| e-texts navigator |
| བོད་ཡིག |
64b1 rab tu thim// byar med sems nyid klong chen la// rtsol ba ma lus kun spangs te// ma bcos ngang du lhun gyis grub// skyon yon bde sdug 'khor 'das chos// mkha' rlung bar snang sprin bzhin du// rang byung rang
64b2 zhi klong du grol// grol bar btags pa tha snyad de// grol ba'i phyogs su lhung ba'i phyir// 'dzin pa rtog pa'i nad du che// grol dang ma grol gcig gi klong / gnyis su 'dzin pa'ang de na 'byams// mnyam pa'i
64b3 don las 'khrul pa med// thig le chen po chos kyi sku// byang chub sems kyi rang bzhin las// gang yang ma spangs yangs pa che// gang du mi gnas dag pas na// mtha' dang bral ba'i klong du grol// gdal ba
64b4 chen po'i ngang la gnas// gcig pu rten med yul med pas// ris med phyogs med gnas med phyir// sus kyang ma byas rang gi klong // gsal bar shar phyir phyi nang med// snga ma'i rgyu ma'i rten med la// phyi ma'i
64b5 gnas med yul med pas// bag chags bzhag pa'i gzhi med phyir// kun gzhi yul med zang thal klong // nam mkha'i khams kyi bya lam bzhin// rjes med skyon dang yon tan bral/ 'khor ba mya ngan 'das pa'i
64b6 chos// rgyu rkyen med par rang las byung // mtshan nyid med pas klong du 'byams// re dogs med pas dbyings la gsal// dbyings la dbyings shar byang chub sems// sems klong gcig las ma gtogs
iiif viewer powered by OpenSeadragon
Texts on this page
Gpb007.005 - klong chen rab 'byams rgyal po'i rgyud