| e-texts navigator |
| བོད་ཡིག |
59a1 phyir// ma spangs rang sar grol ba yin// byang chub sems ni phyogs med yin// rang bzhin nges pa med pa'i phyir// gcig tu mi gnas kun la khyab// byang chub sems la btsal du med// yon tan
59a2 rang la rdzogs pa'i phyir// phyogs med kun tu shar ba yin// byang chub sems la bsgrub tu med// thams cad de ru 'dus pa'i phyir// ma bsgrubs lhun grub 'bras bu yin// zhes gsungs so// klong chen rab
59a3 'byams rgyal po'i rgyud las// don la dpag tu med pa'i le'u ste gsum pa'o// // de nas yang bcom ldan 'das kyis thugs kyi dgongs pa ma nor bar gsungs pa/ thig le gcig gi ngo bo
59a4 la// sangs rgyas ma rgyas med par gcig/ sangs rgyas 'bras bur btags pa yang // thob pa'i yon tan gtan na med// sems nyid klong chen de yi mthu// sems can rgyu ru snang ba yang // 'khor ba'i nyes
59a5 dmigs logs na med// bya bral klong chen de yi rtsal// rgyu 'bras med pa'i chos nyid la// sangs rgyas sems can dbyer med de// de la rang gis bcos su med// rgyu rkyen 'bras bur btags pa yang // bkri
59a6 drang don gyis bstan par zad// ma bcos pa yi chos nyid la// ma nor gnas shing ma byas gsal// ma 'gags pa nyid ye shes klong // de bzhin nyid kyi gnas 'di la// yengs dang ma yengs med pa dang // g.yo/
iiif viewer powered by OpenSeadragon
Texts on this page
Gpb007.005 - klong chen rab 'byams rgyal po'i rgyud