| e-texts navigator |
| བོད་ཡིག |
58a1 ma byed cig/ mi mthun gnyen po rtog pa'i blo// bden dang mi bden the tshom pa// skyon dang yon tan blang dor rgyu// bden rdzun med pa mnyam nyid dbyings// de yi don las g.yos pa med// de yi
58a2 don las ma g.yos na// rnal 'byor rnal 'byor rab tu che// rtse gcig gnas pa'i yon tan dang // dar cig bsam pa'i rtog pa yang // rang bzhin dbyings su gcig pa'i phyir// 'dra'o 'dra'o mnyam nyid che// de
58a3 bzhin nyid la 'di 'dra zhes// tshad mas gzhal du med pa'i phyir// dpag dka' gting ring sgo yangs pas// 'khrul pa rtog ge'i skyed yul min// sems nyid byang chub chen po yang // yod dang med ces gdags
58a4 su med// byang chub sems de yod par snang // dngos po kun tu ma 'gags pas// byang chub sems de med par snang // mtshan ma ngang gis zhi ba'i phyir// yod med mtha' las grol bar gnas// chags sdang nyon
58a5 mongs rnam pa lnga// 'bar zhing kun tu g.yo ba yang // rang byung ye shes rtsal yin pas// dgag tu med de bdag gi rgyu// chos nyid rang las snang ba yin// nyon mongs mtshams med lnga po yang // 'dod spyod
58a6 dbyings kyi rgyan yin pas// spang du med de rang gi rgyan// rol pa dag tu shar ba yin// ma rig 'khrul pas skyon du bltas// gzhan du 'gegs dang spong ba de// 'di ru mi spang bzhag pas shes// sgrol ba dbang
iiif viewer powered by OpenSeadragon
Texts on this page
Gpb007.005 - klong chen rab 'byams rgyal po'i rgyud