| e-texts navigator |
| བོད་ཡིག |
57a1 med la// 'di zhes brjod pa 'khrul pa'i blo// 'dul ba mdo sde mngon pa dang // sde snod gsum du btags pa yang // ming tsam don la med pa'i phyir// ston pas chos su btags par zad// chos
57a2 kyi dbyings kyi rang bzhin de// tshig gi spyod yul ma yin pas// 'khrul pa rnams kyis shes mi nus// 'das dang ma 'das sangs rgyas dang // slad kyis 'byon pa'i rgyal ba rnams// kun bzang rdo rje lha yi lha//
57a3 dbyer med gcig tu gnas pa'i phyir// rang bzhin don las g.yos pa med// sna tshogs chos su snang ba kun// gcig las grangs su phye bas na// chos rnams thams cad bye brag med// gcig shes kun kyang
57a4 shes pa yin// gcig rtogs kun kyang dus gcig rtogs// kun kyang dbyer med nam mkha'i ngang // bdag 'dzin kun dang bral ba'i phyir// rtog dang rtag pa yongs mi dmigs// dngos med de bzhin nyid 'di
57a5 la// chos rnams ma lus 'byung ba'i phyir// 'khor 'das kun gyi gzhi ma yin// de yang dbyings kyi rang bzhin nyid// rang bzhin de ltar shar bas na// nam mkha' 'od du 'bar ba ltar// gzhi shar rang grol
57a6 don gyi gter// rang bzhin gnas pa dgongs pa'i klong // don dang ldan pa rtog pa'i blo// drang por 'dug pas ma nor lam// bcos su med pas rang lugs gnas// lus kyis spyod pa ci byas kyang // lus la
iiif viewer powered by OpenSeadragon
Texts on this page
Gpb007.005 - klong chen rab 'byams rgyal po'i rgyud