| e-texts navigator |
| བོད་ཡིག |
278a1 med rig pa rang snang la// ye shes rol pa mi 'gag pas// chu yi gnyer ma lta bur bshad// ma bcos sems kyi mtshan nyid la// rtsol bas bkag pa ma yin yang // gdod nas dag pa dri med
278a2 pas// nyi ma shar ba lta bur bshad// tha dad rtag par 'dzin pa rnams// rol pa'i snang ba bkag pas chad// mtha' bral dbu ma'i don 'dzin pas// mtha' gsum gsal ba'i dgos pa'o// rang snang lhun grub
278a3 ye gnas la// bgrod pa'i lam gyis btsal mi dgos// mtha' med nam mkha' lta bu la// bgrod pas phyin par ga la 'gyur// sems la bgrod pas phyin 'dod na// mkha' la tshad kyis 'jal ba 'dra// lam
278a4 bstan pa dang lam gyi dpe// nges pa'i don ldan de nyid yin// don gyi lam dang tshig gi lam// don gyi zug phrad gsum yin la// de yi brda phrad tshig gi lam// ye shes bgrod med rdzogs pa'i lam// rnam grol
278a5 'bras bu kun gyi rgyu// ye shes gsang ba'i don rtogs na// mi g.yo sems kyi dkyil 'khor na// theg pa kun gyi 'bras bu 'char// des na kun grol dgongs pa'i thugs// lam la rim med cig car
278a6 'jug/ rnam rtog phra rags rim gyis shes// tshig lam rkyen gyis ma mtshon par// ma bcos sems kyi don mi shes// tshig gis lam gyi don la sbyor// gsang don mthong bas bde ba'i sa// 'dzin pa rags pa'i
iiif viewer powered by OpenSeadragon
Texts on this page
Gpb007.013 - ye shes gsang ba zhes bya ba'i rgyud