| e-texts navigator |
| བོད་ཡིག |
263a1 bzhugs te// nyid kyi 'khor la gsang sngags kyi de kho na nyid ston cing bzhugs pa la/ sems dpa' rdo rjes 'di skad ces gsol to// byang chub sems kyi rang bzhin la// rgyu rkyen rtsol bas ma
263a2 bsgrubs par// yon tan 'bras bu ji ltar 'char// zhes gsol pa dang / de nas de bzhin gshegs pa rin chen zhabs kyis bka' stsal pa/ tak+Sha ka yi rgyan bzhin du// rgyu 'bras mthar phyin gzhi nas
263a3 rdzogs// thams cad rang byung snying po'i mchog/ gsang ba'i thabs kyis rtogs gyur na// nyi ma'i 'od ltar 'bras bu 'char// zhes gsungs so// de nas nub phyogs na pad+ma brtsegs pa'i zhing khams na/ bcom
263a4 ldan 'das pad+ma'i 'od ces bya ba/ dri ma med pa'i pad+ma'i gdan la bzhugs te/ nyid kyi 'khor la gsang sngags kyi de kho na nyid ston cing bzhugs pa la/ sems dpa' rdo rjes 'di skad ces gsol to// sems
263a5 nyid pad+ma ltar dag par// gzung 'dzin dri ma ji ltar byung // zhes gsol pa dang / bcom ldan 'das pad+ma'i 'od kyis bka' stsal pa/ pad+ma 'dam na gnas bzhin du// 'dam gyi skyon gyis gos pa med// byang chub
263a6 sems kyi ngo bo ni// 'khor ba'i rtog par mi 'gyur te// rnam rtog blo la 'khor ba byung // zhes gsungs so// de nas byang phyogs rnam dag grub pa zhes bya ba'i 'jig rten na/ de bzhin gshegs pa grub par snang
iiif viewer powered by OpenSeadragon
Texts on this page
Gpb007.013 - ye shes gsang ba zhes bya ba'i rgyud