| e-texts navigator |
| བོད་ཡིག |
240b1 rin po che// chags med pad+ma lta bu'i ngang // rang byung rang gsal rang la rdzogs// rdo rje sems dpa' gsang ba'i mchog/ kun 'byung chags pa chen po'i mchog/ zab mo brtag dka' rgya chen nyid// dmigs bral
240b2 mkha' mnyam rgyas pa'i mchog/ 'od gsal bde mchog rang gsal lung // 'di ni nam mkha'i mtha' mnyam lung // rang gsal rig pa mngon rtogs pas// bcos bral rig pa gsal ba'i ngang // chos sku 'od
240b3 'bar dus gcig gsal// bde mchog ro la dus gcig bzhugs// 'od gsal rig pa'i gdeng ldan na// rang gsal ma yin chos mi gnas// rang byung 'od lnga rtag tu 'bar// ye shes 'bar ba mchog gi
240b4 gnas// dus gcig rig pa rang gsal na// rim skye'i shes pa nor ba'i lam// gsal la mi mngon chos dbyings ni// thams cad kun la khyab par gnas// rtog pas ma bcos bla ma'i sa// 'khor ba nyid na ye
240b5 sangs rgyas// ma bcos sa la dus gcig phyin// 'od gsal klung la rtag bzhugs kyang // 'gro ba'i don la phyog ris med/ khams gsum 'khor ba'i btson ra yang // rig pa rang gsal chen por blta// dug
240b6 lnga brtsegs pa'i ri bo yang // rang gsal ye shes lnga ru 'bar// thams cad ye shes gsal ba la// gnyis pa'i rtog pa gdod nas stong // gang zhig 'od gsal chen po la// rig pa sems dang mi ldan na//
iiif viewer powered by OpenSeadragon
Texts on this page
Gpb007.010 - rdo rje sems dpa' nam mkha'i mtha' dang mnyam pa'i rgyud chen po