| e-texts navigator |
| བོད་ཡིག |
217a1 dgongs pa'i lung // brjod med rnal du bzhag pas go/ bum par bum pa'i bcud bstims bzhin// dgongs don slob ma'i blo la bzhag/ dam med slob ma mi bsten zhing // gsang bar nyes
217a2 dmigs bstan par bya// snod med gsang ba'i dam sri la// nyes dmigs med pa'i bla ma yis// rgyal thabs spyi blugs dbang bskur zhing // byang chub sems kyi don bstan na// snod ngan btsal 'chang zho blugs
217a3 na// gnyis ka ma rungs byed pa ltar// de ma thag tu 'jig pa dang // 'jig rten dpyas ka chen por 'gyur// de phyir snod ngan slob ma ni// rmi lam du'ang mi bsam na// man ngag 'dzin pa'i slob ma yi// dam
217a4 par brten pa smos ci dgos// dus gsum sangs rgyas thams cad dang // rdo rje sems dpa' chen po yis// ma brjod dgongs pa go ba'i lung // rgyal thabs spyi blugs rig pa'i dbang // rtsol med byang chub
217a5 sems kyis bskur// dus mtha'i cha la mngon par gshegs// lung ldan rdo rje bla ma yis// snod ldan gus pa'i slob ma la// rgyal thabs spyi blugs dbang bskur nas// dus mtha'i shes pa skad cig la// rang
217a6 gsal chos sku rang gnas bstan// 'bab chu gnas pa'i ting 'dzin gyis// btsal med 'od gsal bde ba che// rang bzhag gnas pa 'grub par 'gyur// de ltar dbang thob gang zag ni// rtsol ba'i chu las rab
iiif viewer powered by OpenSeadragon
Texts on this page
Gpb007.010 - rdo rje sems dpa' nam mkha'i mtha' dang mnyam pa'i rgyud chen po