| e-texts navigator |
| བོད་ཡིག |
210b1 gnas// ma bkag thabs kyi me long la// phyogs ris med pas cir bltas gsal// nam mkha' mi bzung bsam dang bral// dmigs med gtad med yid mi 'jug/ yul la mi gnas shes pa min// gnyis
210b2 ka ma yin spros dang bral// 'dzin pa mi 'jug gnyis 'dzin med// ye shes gsang ba'i ngo bo la// mtshan ma med do rang gsal dbyings// snang ba ye shes rang gsal la// dgag bsgrub med pa rang gi
210b3 dbyings// rang gsal 'od la mi gnas na// mtshan ma'i spyod pa ci spyad kyang // rang sa ltos pa'i 'bras bu la// ma btsal rang gsal bde chen bral// bcings med yongs rdzogs rig pa'i lam// bgrod du med
210b4 do ye sangs rgyas// phyogs ris med pa'i ye shes la// gnyis med gcig pa'i mtha' dang bral// zung 'jug 'od gsal bde chen la// gnyis dang gcig pa'i 'dzin pa med// mtha' bral nam mkha'i rdo rje
210b5 la// 'gyur med ye shes rang bzhin gsal// ji bzhin rig pa'i rnal 'byor la// rtsol dang bcas pa'i rnal 'byor med// rig pa klung zhugs bde ba'i ngang // cir gsal mi rtsol rig pa'i mchog/ 'byung 'jug
210b6 med de dbyings la gsal// brgyud pa thabs kyi me long gis// rang gsal don la mtshon byas nas// gnyis med ye shes zhes brjod pa// rang gsal ma yin gzhan gsal min// mngon sum rang gsal ye
iiif viewer powered by OpenSeadragon
Texts on this page
Gpb007.010 - rdo rje sems dpa' nam mkha'i mtha' dang mnyam pa'i rgyud chen po