| e-texts navigator |
| བོད་ཡིག |
181b1 to// rang byung dag pa'i snying po la// las dang bag chags gos mi gos// zhes gsol pa dang // de bzhin gshegs pas 'di skad ces gsungs so// rang byung ye shes ka dag pas// pad+ma la ni 'dam bzhin
181b2 du// mtshams med lnga yi bag chags dag/ byang chub tshul 'di bstan pa'o// zhes gsungs so// de nas sems dpa' rdo rjes byang phyogs thams cad grub pa zhes bya ba'i 'jig rten na// de bzhin gshegs
181b3 pa thams cad grub pa la 'di skad ces gsol to// byar med lhun rdzogs phrin las la// 'gro don phrin las ji ltar mdzad// ces gsol pas// de bzhin gshegs pa des 'di skad ces gsungs so// rtsol med
181b4 lhun grub byin rlabs las// mdzad pa'i byin rlabs phyogs bcur brdal// phyogs ris mi mnga' yongs kyi gter// byang chub tshul 'di bstan pa'o// zhes gsungs so// de nas sems dpa' rdo rjes de bzhin
181b5 gshegs pa rnam par snang mdzad la 'di skad ces gsol to// sems nyid rin chen 'phrul gyi sgo// rtogs par 'dod na ji ltar blta// zhes gsol pas// de bzhin gshegs pa rnam par snang mdzad kyis 'di
181b6 skad ces gsungs so// 'phrul gyi skyes bu'i tshul bzhin du// gcig rtogs kun kyang de 'dra ba// ma bcos byang chub snying po la// phyogs su bltas pas mthong mi 'gyur// zhes gsungs so// de nas 'dod
iiif viewer powered by OpenSeadragon
Texts on this page
Gpb007.010 - rdo rje sems dpa' nam mkha'i mtha' dang mnyam pa'i rgyud chen po