| e-texts navigator |
| བོད་ཡིག |
117b1 longs spyod// longs spyod rdzogs skur nyid kyis bstan// ji ltar byas kyang sku gsum klong // 'dus ma byas pa chos kyi dbyings// sku gsum dbyings nas rang shar bas// 'khor 'das gnyis kyang rang la
117b2 shar// de yi ngang las g.yos pa med// rang shar rang grol chos nyid kyis// mtshan ma thams cad zil gyis gnon// sems nyid klong chen 'gyur med de// nam mkha'i klong ltar yongs la khyab// rol pa nges med
117b3 cir yang 'char// thugs rje'i cho 'phrul mi zad klong // thams cad dbyings kyi rgyan du snang // dbyings las ma gtogs chos med pas// gzhan du 'gog pa'i yul dang bral// tshogs drug rang sar grol ba'i
117b4 phyir// mtshan ma'i rtog pa zil gyis gnon// snang ba rgya yan yin pa'i phyir// 'du 'phro byang chub sems kyi rtsal// cir yang ma yin chos nyid la// sna tshogs cir yang snang ba'i phyir// ngo mtshar rmad byung bya bral
117b5 chos// 'khor 'das theg pa thams cad la// kun la dbang bskur bya bral chos// byar med gcig gi rang stobs kyis// mtha' rnams thams cad zil gyis mnan// de la mtha' dang yul gzhan med// byar
117b6 med klong las gar ma g.yos// mtha' rnams kun bral kun tu bzang // 'khor 'das byar med kun tu bzang // kun bzang klong na 'khor 'das med// snang stong dbyer med kun tu bzang // kun bzang
iiif viewer powered by OpenSeadragon
Texts on this page
Gpb007.005 - klong chen rab 'byams rgyal po'i rgyud