| e-texts navigator |
| བོད་ཡིག |
104b1 dus gcig shar// shar yang skye ba med par gcig/ ces gsungs so// klong chen rab 'byams rgyal po'i rgyud las/ skye med tshig chod du bstan pa'i le'u ste sum cu rtsa gcig pa'o// // de nas yang ston
104b2 pas 'du 'bral med pa'i 'khor la bka' stsal pa/ 'di las gzhan du ma blta zhig/ bltas shig bltas shing rtog pa skye// 'di las gzhan la ma bltas na// mi rtog gzhan du bsgom mi dgos// 'di las gzhan
104b3 du ma spyad cig/ spyad cing spyad cing log lta ste// 'di las gzhan du mi spyod na// rtog dpyod gzhan du bya mi dgos// 'di las gzhan du ma rtsol cig/ rtsol zhing rtsol zhing gzung 'dzin mched// 'di las gzhan du
104b4 ma rtsol na// 'jug sgo tha dad med pa'i phyir// sa dang lam la sbyang mi dgos// 'di las gzhan du ma bsgrubs shig/ bsgrubs shing bsgrubs shing mthar thug med// 'di las gzhan du mi bsgrub na// sangs rgyas
104b5 go 'phang thob mi dgos// mi zhes bya ba sangs rgyas yin// dbyer med don du ma shes na// bskal par bsgrubs kyang 'grub mi 'gyur// dbyer med don la gnas pa na// srid par 'khyams kyang stor bral
104b6 med// skye med 'gag med sna tshogs ston// yul la spyod dang mi spyod pa// spyod pa 'gag pa med las byung // mi spyod skye ba med las byung // gnas la brten dang mi brten pa// 'gag pa med pa nyid las
iiif viewer powered by OpenSeadragon
Texts on this page
Gpb007.005 - klong chen rab 'byams rgyal po'i rgyud