rKTs

e-texts navigator

Page

37a₁ chos kyi dbyings// sangs rgyas kyi zhing rnam par dag pa ste// de la ni mtha' dang dbus med pa/ steng 'og phyogs mtshams med pa/ du ma dang rten sa med pa/ de gdos pa can gyi chos min pas//
37a₂ mnan na nem pa snyam byed pa/ btegs na 'phar ba snyam byed pa/ zang thal ba kun tu rgya ma chad pa/ sgros bral gyi dbyings/ 'gyur med kyi klong ngo // ngo bo nyid kyi sku ni phyogs su lhung ba med pa'i shes rab/ rgya ma
37a₃ chad pa'i ye shes/ lhun gyis grub pa'i sangs rgyas/ dngos med zang thal/ byed pa po mtha' thams cad las 'das pa/ ma bcos pa/ sgro skur gyi mtha' thams cad las 'das pa/ ma bslad pa/ skyon gyi mtha' rnam
37a₄ par dag pa/ dang po'i rgyu med pa/ bar du rkyen med pa/ tha ma gnyen po med pas mi 'gyur ba/ ma rig pa dang / ma dad pa dang / log lha dang / le lo la sogs pa/ dri mar gyur pa ni rtag chad kyi mtha' dang /
37a₅ yod med kyi mtha' dang / bem rig dang gzung 'dzin gyi skyon dang bral ba'o// 'khor 'das kyi chos thams cad kyi don gyi ngo bor gyur pas na ngo bor shar ba ni ye shes dbyings la shar/ dbyings rig pa dang ldan//
37a₆ mtha' rnam par mi 'byed/ shes pa gud du mi gcad do// rig pas dbyings la khyab/ ye shes kun tu brdal/ chos nyid rig par 'dus so// rigs kyi bu de ltar ngo bo nyid kyi snang ba dang / chos sku brjod cing

_{iiif viewer powered by OpenSeadragon}

36b - 37b

Texts on this page