| e-texts navigator |
| བོད་ཡིག |
331a1 g.yul ngo sel// shes pas srid 'byung skye gnas med// rdul med rdul bral dri ma bral// shin tu sad pa sad pa'i bdag/ kun shes kun rig dam pa'o// rnam par shes pa'i chos nyid 'das// srid
331a2 pa'i ri bo chen po 'joms// sbyor ba'i dgon pa las byung ba// nyon mongs nye ba kun nyon mongs// bag chags bcas pa gtan spangs pa// grol ba thar pa rnam grol lus// rnam grol zhi ba zhi ba nyid// shes rab
331a3 chen po lus 'chang ba// skad cig gcig gis rdzogs sangs rgyas// skad cig thams cad bye brag byed// ces gsungs so// gsang sngags thabs kyi rgyal po ni// bya btsal mi mnga' rtogs thob thabs// spangs pa
331a4 med dang nyung zab ste// mkhas pa chen po thabs che ba'i le'u'o// stobs kyi 'khor rnams sna tshogs snang // sna tshogs gnyis med ngang du sbyor// rdzu 'phrul chen po stobs dang ldan// shugs chen mgyogs pa chen po
331a5 ste// rdzu 'phrul chen po cher grags pa// stobs chen pha rol gnon pa po// sku dang ye shes rang la 'bar// rang shar rang la rnam par brgyan// de ni 'bras bu rang rdzogs yin// yid bzhin 'bras bu chen po
331a6 'chang // dpag bsam shing chen rgyas pa ste// bum pa bzang po che ba'i mchog/ byed pa sems can kun don byed// theg pa sna tshogs thabs tshul gyis// 'gro ba'i don la ston pa po// rgyud kun gyi ni bdag po
iiif viewer powered by OpenSeadragon
Texts on this page
Gpb006.018 - 'jam dpal dgongs pa 'dus pa gsang sngags chen po'i rgyud