| e-texts navigator |
| བོད་ཡིག |
328b1 shes smin// rgyu nyid ma bcos 'bras bu rdzogs// brtson 'grus chen po brtul ba yin// byar med rang byung ye sangs rgyas// brtson 'grus kyi le'u// 'gyur med rdo rje'i gdan la 'byung zhing zad// phra rags dri ma
328b2 dag pas sangs rgyas yul med de// rig pa dri med zang thal shes rab gsal// rang snang ye shes gzhan snang rtog pa med// gzung 'dzin rtogs pa bde chen chos kyi sku// bzod chen ma lus 'chang ba brtan pa
328b3 po// bzod pa'i le'u// dgongs pa bsgom du med par rang lugs chen por gnas// bsgom bya sku dang ye shes rig pa'i ye shes nyid// dus gsum dus med rang bzhin mnyam pa nyid// sgo lnga'i rtog pa skye 'gag
328b4 'char zhing nub// snying po zang thal nyid de skye 'gag med// dus gsum 'das dang ma byon da ltar gyi// tha snyad ming yang mi gnas 'gyur med de// nam mkha' gud bcad ma phub zang thal ltar// spros med thig
328b5 le shes rab sgo nas shar// 'o ma'i snying po rtsi mar khyab pa ltar// nam mkha'i rang la chos skus khyab pa dang // gdul bya la snang ye shes sku dang chas// dri med chu la snang ba rang bzhin med// snang stong dbyer med
328b6 bdag nyid chen po yin// bsgom zhing bsgrub pa'i chos min ye gnas pa// lhun grub nyam nga med pa'i bsgom pa dengs// thabs kyis bying rgod gsal du med pa ste// ngang gis mtshan nyid zhi bas bgrod pa
iiif viewer powered by OpenSeadragon
Texts on this page
Gpb006.018 - 'jam dpal dgongs pa 'dus pa gsang sngags chen po'i rgyud