| e-texts navigator |
| བོད་ཡིག |
293a1 yang bka' stsal pa// gsang ba'i bdag po khyod nyon cig/ spyan gyi dbang bskur bstan pa ni// thog ma gter gyi 'byung gnas na// lhun gyis grub pa'i spyan gnas te// gsal ba gzhan dbang ma
293a2 gyur rang gsal spyan// de ni thabs kyi spyan yin no// 'gag med gzhan dbang ma gyur pa// de ni shes rab spyan yin no// zang thal gzhan dbang ma gyur pa// de ni ye shes spyan gyi gzhi// de gsum dbyer med
293a3 dbang yin pas// lhun grub yongs su rdzogs pa'i spyan// de ni gzhi yi spyan gyi dbang // de nas lam gyi dbang bstan pa// dpe don rtags kyi dbang bstan no// dper na rin chen man shel te// spyan gsum
293a4 dbang gi dpe yin no// rtags ni mig la shar ba'o// spyi yi rtags dang don du 'brel// nang gi dbang rtags snying yin no// don gyi rtags dang sbyar ba gces// phyi yi dbang rtags mig yin no// ngo sprod byas te
293a5 rtags su bstan// mig g.yas chos kyi spyan gyi rtags// g.yon pa shes rab spyan gyi rtags// mdzod sgra ye shes spyan gyi rtags// don gyi spyan gsum 'gyu ba'i mig/ 'gyu ba'i spyan la ngo sprad na// spyan gyi dngos
293a6 grub thob par 'gyur// rna ba g.yas pa chos kyi spyan// g.yon pa shes rab chen po'i spyan// mig ni ye shes spyan yin no// rna ba chos nyid rtsa gnas pa// sgro 'dogs gcod pa'i ngo sprod bya// mig la ye shes rtsa
iiif viewer powered by OpenSeadragon
Texts on this page
Gpb006.016 - lha rgyud rin po che spungs pa