| e-texts navigator |
| བོད་ཡིག |
290b1 bsten// rtog pa thams cad rang sar dag/ rnam par rgyal ba'i spyod pa yin// brtul shugs spyod pa zhes kyang bya// zas kyi sgra bcad ces bya'o// thams cad rang snang rang byung bas/ rtogs pas rtsi la ma rtogs
290b2 bdud// bdud ni 'dre ru shar ba yin// rtsi ni lha ru shar ba yin// bdud rtsi 'byung ba'i rgyu ni rang byung yin// bsgrub pa'i bdud rtsi ma yin rang byung bdud rtsi yin// zhes gsungs so// lha rgyud rin po che spungs pa
290b3 las/ spyod pa'i le'u ste bcu bzhi pa'o// // de nas yang bka' stsal pa// gsang ba'i bdag po khyod nyon cig/ de ltar byas pa'i 'bras bu bstan pa ni// thig le mi 'da' ye shes klong slebs nas// mi
290b4 'gyur rdo rje lta bu'i sku thob 'gyur// lus kun las ni rab grol te// lus kyi mtha' rtogs ye shes lus// gnas kyi mtha' grol thig ler brdal// skad cig gcig gis don dang mjal// 'khor ba ma spangs
290b5 gnas su dag/ mya ngan 'das pa rang la shar// ye shes thig le'i rtse mor sleb// phyi nang med par dbyings dang mjal/ bgrod pa med par rang sar sleb// sbyang pa med par gnas su dag/ bsgrub pa med par
290b6 'bras bu thob// ma byas pa ru las rnams zin// ma bkrus pa ru dri ma dag/ sgron ma ma bteg mun pa sangs/ khams gsum rtsa ba de ru chod// srid gsum lo ma de ru chod// snga ma phyi ma'i bar mtshams chod// srid
iiif viewer powered by OpenSeadragon
Texts on this page
Gpb006.016 - lha rgyud rin po che spungs pa