| e-texts navigator |
| བོད་ཡིག |
287a1 bas na// mi bslu ba yi gtan tshigs yin// yid ches nges pa'i dbang du bshad// da ni ye shes dbang bshad de// ye ni kun gzhi spyi sa yin// shes pa gzhi las grol ba'o// grol ba gzhan rkyen ma
287a2 yin te// rang rkyen shes pas grol bar bstan// me long byed kyi dpe bzhin no// thig le ye shes khong nas shar// phar bltas pas ni tshur la gsal// ye shes zang thal kho na yin// ma bcos pa yi zang thal
287a3 la// ma byas pa yi rang byung shar// rang grol sbrul gyi mdud pa ltar// rang grol dug lnga khong du grol// rtse gcig zang thal chen por slebs// da ni tshig dbang don bshad de// nor bu rin chen gling dag na// sa
287a4 rdo la sogs ming yang med// gdams pa'i tshig dbang thob pas na// 'khor ba bya ba'i ming yang med// 'khor ba thig ler dbang bskur bas// rma byas ha la bza' ba 'dra// spu kha sna tshogs mdangs dang
287a5 ldan// de bzhin dug gi dbang bskur na// 'dre dang nad kyis mi tshugs so// de bzhin dug lnga'i dbang bskur na// 'khor ba'i dgra yis mi tshugs so// thig le ye shes ngo bo rtsal// las dang de bzhin gnas pa
287a6 ni// lam dang sgo dang yon tan dang // 'bras bu rnam brgyad dbyer med pas// dpe yi ngo sprod shel gyis mtshon// rtags kyi ngo sprod tsit+ta yin// rin chen zur brgyad 'bar ba yin// don ni thig le ye shes
iiif viewer powered by OpenSeadragon
Texts on this page
Gpb006.016 - lha rgyud rin po che spungs pa