| e-texts navigator |
| བོད་ཡིག |
24a1 pa// kye kye bcom ldan rdo rje 'chang // rdzogs chen man ngag gsang don 'di// rang dgar bstan pa ma yin te// nges pa'i lung rgyal khu byug mchog/ 'di nyid bstan pa'i gang zag rnams// rigs
24a2 dang spyod lam chen po dang / kha dog mtshan nyid gsung du gsol// de nas bcom ldan rdo rje 'chang // ting nge 'dzin las bzhengs nas ni// khyad par 'khor la bka' stsal pa// kye ma khyad par 'khor tshogs
24a3 nyon// nga yis bstan gyis legs par nyon// rigs kyi khyad par 'di lta ste// rgyal rigs dang ni bram ze'i rigs// de bzhin rje rigs chen po dang // khyad par chen po'i mi rnams la// gsang sngags nges don
24a4 bstan par bya// yang na rigs med kha dog brtags// pho mo gnyis ni gang yang rung / kha dog 'di dang ldan pa ni// rdzogs pa chen po'i snod du gsungs// yan lag rags shing kha dog gnag/ so nyid thags
24a5 bzang dkar la 'grig/ mig rtsa yid tsam dmar ba dang // skra yi mtshan nyid chen po yang // g.yas su 'khyil zhing kham nag mdog/ lus la bkur sti chung ba dang // phyi yi spyod yul tha mal mdog/ tshig rnams
24a6 shugs 'byung smra ba dang // yang na tshig gi rnam pa kun// gcig gis gang ltar smra ba ltar// skyes bu de yang de ltar smra// rdzogs chen gdams ngag bstan par bya// de rnams gcig la rdzogs pa na// shan pa'i
iiif viewer powered by OpenSeadragon
Texts on this page
Gpb006.001 - nor bu phra bkod rang gi don thams cad gsal bar byed pa'i rgyud