| e-texts navigator |
| བོད་ཡིག |
22a1 dbyings kyi snang ba sku dang bcas pa gsal lo// sangs rgyas thig le nyag gcig gi dgongs pa rang byung gi ye shes kyi ngang las ma g.yos na/ sangs rgyas thams cad kyi sku'i de bzhin nyid mthong
22a2 bar 'gyur ro// de'i tshe glang po che'i lta stangs kyi dgongs pa la gnas shing / seng ge'i mchongs stangs kyis ngo bo 'bru tshugs su gzung bar bya'o// khyung nam mkha' la ldings pa'i 'gros kyis rjes bcad nas/
22a3 sangs rgyas thams cad kyi sku'i ngo bo de bzhin nyid mthong bar 'gyur ro// de'i tshe snang ba ye shes la slong ba'i gdams ngag la gnas par bya'o// de nas yang bcom ldan rdo rje sems dpa' nyid la/ snang ba'i lha
22a4 mo kun nas 'od zer zhes bya bas// 'di skad ces gsol to// kye bcom ldan 'das yang dag par rdzogs pa'i sangs rgyas kyi dgongs pa la ngo sprad pas chog gam/ ngo sprad pa la dgos pa ci yod/ des grol ba
22a5 lags sam zhes zhus so// de nas yang bka' stsal pa// kye 'khor gyi lha dang klu dang byang chub sems dpa' rnams nyon cig/ yang dag par rdzogs pa'i sangs rgyas la ngo skad du med do// sprad pa'i yul med
22a6 do// ngos bzung thams cad dang bral bas ngo sprad pa'i rgyu rkyen dang bral ba'o// ngo sprad pa la dgos pa ni gang yang med par bstan pa'o// rigs kyi bu rig pa'i de bzhin nyid mig gi de kho na nyid cog bzhag gis
iiif viewer powered by OpenSeadragon
Texts on this page
Gpb006.001 - nor bu phra bkod rang gi don thams cad gsal bar byed pa'i rgyud