| e-texts navigator |
| བོད་ཡིག |
221b1 dri med pa// sku gsum ye shes lnga ldan te// rnam grangs rim pa gsung du gsol// zhes zhus so// de nas bcom ldan 'das kyis/ spyi don yongs su sdud pa zhes bya ba'i ting nge 'dzin la snyoms par zhugs te 'di
221b2 gsungs so// rig pa 'dzin pa kun nyon cig/ thig le gsang ba'i lam mchog ni// bgrod med rtogs pa rdo rje'i lam// ye shes stong nyid rang snang 'di// ye nas gnas pa'i gnas tshul dang // ma rtogs 'khrul
221b3 pa'i 'khrul tshul dang // 'khrul pa log pa'i grol tshul gyis// rnal 'byor dbang phyug chen por 'gyur// bskal pa dang po thog ma na// sangs rgyas 'od du mi 'gyur bzhugs// ngo bo nyid kyi snang ba la// ngo bo nyid
221b4 kyi sku shar ba// nam mkha' dang ni nyi ma bzhin// sa bon gzhi la rdzogs pa'i dus// ma chad pa yi yul can na// snying po bcud du dril bar gnas// ma byon sngon rol 'das pa'i dus// gzhi snang chen po'i gnas
221b5 lugs yin// chos nyid yul gyi 'khrul gzhi dang // 'od lnga lus kyi 'khrul gzhi dang // rig pa sems kyi 'khrul gzhi dang // gnas dang dbus la rtog byas nas// ma rig lhan cig skyes pas bsgribs// kun
221b6 brtags ma rig pa yis bslad// rgyu yi rkyen dang bdag po'i rkyen// dmigs pa'i rkyen dang mtshungs pa'i rkyen// dran byed kun tu tshol ba'i yid// nges par 'jog dang gtan la 'bebs// chos nyid 'byung ba
iiif viewer powered by OpenSeadragon
Texts on this page
Gpb006.011 - rdzogs pa chen po thig le gsang ba de kho na nyid nges pa'i rgyud