| e-texts navigator |
| བོད་ཡིག |
214b1 pa'i sgra skad phun sum tshogs par sangs rgyas so// yid 'jug pa med par rang byung gi ye shes zag med kyi klong du grol ba mthar phyin par sangs rgyas so// mdzad pa phun sum tshogs pa bya ba med pa'i klong du
214b2 sangs rgyas so// phrin las mthar phyin pa ma btsal bar grub par sangs rgyas so// chos thams cad chos med pa'i klong du sangs rgyas so// phyi snod kyi 'jig rten 'byung ba lngas bsdus pa thams cad skye med ye
214b3 shes kyi klong mkha' klong rnam par dag par sangs rgyas so// nang bcud kyi 'jig rten 'gro ba rigs drug gi sems can srog gis bsdus pa thams cad ye shes chen po lnga mi gnas pa'i ye shes chen po dang drug tu
214b4 sangs rgyas so// chos kyi sku thig le nyag gcig bden la/ gzugs kyi sku gnyis 'bras bur smin pas rdo rje'i gdan la mngon par rdzogs par sangs rgyas so// sangs rgyas nyag gcig dri ma med// sku gsum ye
214b5 shes zag pa zad// byang chub snying po rnam par grol// gser gyi nyi ma rang byung sku// 'khor los sgyur ba stobs po che// skad cig 'gags las rnam grol ba// thabs kyi shes rab stobs po che// shes rab rig pa
214b6 swa sti a// zhes ye shes bla ma chen po'i rgyud las/ byang chub sems dpa' rtog pa skad cig ma la rdo rje gdan la mngon par rdzogs sangs rgyas par bstan pa'i le'u ste lnga pa'o// // de nas byang chub
iiif viewer powered by OpenSeadragon
Texts on this page
Gpb006.009 - ye shes bla ma chen po'i rgyud