rKTs

e-texts navigator

Page

198b₁ rgya gar skad du/ rat+na sA mA n+ya bad+d+ham+b+ha ya/ bod skad du/ rin po che spyi bcings kyi man ngag bcom ldan 'das 'jam dpal ye shes 'dus pa la phyag 'tshal lo// man ngag 'dus pa'i spyi bcings
198b₂ ni// sangs rgyas kun gyis dgongs pa ste// rnal 'byor kun gyi thugs la gnas// man ngag 'dus pa'i tan+ta yin// tshig dang 'bru gnyer dkyus btsan te// sku yi rgyud du shes par bya// yang dag don gyi spyi
198b₃ bcings ni// 'jam dpal ye shes 'dus pa yin// mgon po dri med ye shes sku// sku 'jam gsung 'jam thugs 'jam ste// sku ni ye shes sgyu ma'i sku// gdod ma'i mtha' dang bral bas 'jam// gsung ni brjod
198b₄ du med pa'i gsung // tshig dang yi ge'i mtha' las 'das// thugs ni dran rtog med pa'i thugs// gzhi la rang bzhin med par 'jam// sangs rgyas ye shes sku yi mchog/ mgon po dri ma med pa yin// mgon po
198b₅ dri med ye shes sku// sangs rgyas kun gyi snying po 'dus// 'khor ba rang bzhin med pas na// 'jam dpal ye shes 'dus pa yin// brjod du med pa'i don shes na// 'jam dpal ye shes 'dus pa yin// mgon
198b₆ po dri med don shes na// 'jam dpal ye shes 'dus pa yin// chos la blo ni mi gnas na// 'jam dpal ye shes 'dus pa yin// zhes 'jam dpal ye shes 'dus pas bka' stsal to// de nas 'khor gyi byang

_{iiif viewer powered by OpenSeadragon}

198a - 199a

Texts on this page