| e-texts navigator |
| བོད་ཡིག |
189b1 par the tshom med// chos kyi mtha' yang gang yin na// chos sku gnyis med chen po ni// gzhi rtsa med pa'i sems nyid 'di// chos rnams kun gyi rtsa ba yin// brjod pas thog tu mi phebs pas// chos kyi de las byung
189b2 ba'i 'brel// sku gsum dbyings nas ye shes dang // mtshan dang dpe byad ltar snang ba// de las log ste ma rig pas// bsdus pa thams cad chos can no// de rnams kun gyi mthas gtugs pa// chos kyi
189b3 mthar thug ces bya ste// 'khor ba lugs las ldog pa'o// sku yi ngo bor gtugs pa ni// rgyu dang rkyen gyis ma bskyed de// 'od gsal sgyu ma'i sku yin pas// gnyis med brjod par mi nus so// chos kyi dbyings
189b4 kyi mdor gtugs na// rig pa'i yul ltar snang ba yang // shin tu phra ba'i stong nyid 'di// rig pa stong pa dbyer mi phyed// brjod par rab tu dka' ba'o// dbyings ni mu mtha' bral bar thug/ rgyu yi ngo bor
189b5 gtugs pa na// kun rdzob snang ba 'khor ba'i rgyu// 'das par snang ba don dam rgyu// 'khor 'das gnyis su snang ba'o// rgyu yi ngo bo chos nyid yin// chos nyid skye ba med par thug/ lam gyi stobs su gtugs par
189b6 bya// theg pa rim pa'i lam rnams kyi// nang nas lam stobs gang chen// sku las lam du byed pas na// 'bras bu nyid las lam shes pas// lam nyid sku la thug pas na// lam la bgrod du med pa'o// bgrod
iiif viewer powered by OpenSeadragon
Texts on this page
Gpb006.007 - sku'i rgyud pad+ma 'khyil pa