rKTs

e-texts navigator

Page

175a₁ mtshon du med// sangs rgyas yul du bstan pa bdag gis 'khrul// bsgom du med pa'i lta ba la// yengs pa med pa'i blo bzhag ste// skye ba med pa'i dbyings nyid du// 'chi ba med pa'i rig pa
175a₂ bzhag/ 'du 'bral med pa'i rang bzhin la// btang snyoms chen po'i don gcig bzhag/ chags sdang med pa'i bde 'jam la// spang len med pa'i don gcig bzhag/ gzhi rtsa med pa'i klong yangs su/ khyab
175a₃ gdal chen po'i don gcig bzhag/ ye nas rang byung chen po la// brjod pa med pa'i ting 'dzin bzhag/ gdod nas rnam dag chos dbyings la// dmigs pa med pa'i 'dzin pa bzhag/ yul du snang ba yum gyi
175a₄ klong // rig par snang ba yab kyi mkha'// mkha' klong gnyis su thams cad 'dus// de la dpe yis mtshon du med// de phyir dus gsum sangs rgyas kyis// btsal yang rgyal bas mi rnyed do// rang byung btsal med
175a₅ bde ba rig pa'i klong // 'du 'bral med par b+ha ga'i rgya mtsho la// ngang gis ma chags pad+ma 'dam skyes 'dra// kun tu bzang po dngos med klong chen na// dus gsum rgyal ba'i pho brang 'gyur med btab// nges
175a₆ pa'i don la ma yengs blo bzhag na// mi 'gyur bsam gtan zhes bya'o// sgyu ma lta bu'i ye shes la blo mi bzhag/ sangs rgyas kyi dgongs pa dmigs su med do// mya ngan las 'das pa'i grong khyer la bgrod du med

_{iiif viewer powered by OpenSeadragon}

174b - 175b

Texts on this page