| e-texts navigator |
| བོད་ཡིག |
174a1 dpa' yin// snying rje g.yos nas bskyod pa'i phyir// sems can kun gyi gnyen gcig po// stong pa chen por nga yi yul// rdo rje rin chen nga yi gdung // pa ni thabs mchog dpag tu med// nga ni
174a2 shes rab brjod las 'das// nga ni rang byung ye shes yin// mun snang gnyis kyi bar nas 'ong // zhes smras pa dang / e ma 'o mthong yul kun tu bde// don srid chen po 'byung 'gyur na// nor bu rin chen ma
174a3 brlags sam// zhes zhus pa dang / smras pa/ nor bu rin chen bdud rtsi 'di// btsal bas rnyed pa'i gnas med de// drug gi chos bzhin yul min no// zhes smras pa dang / de nas drug pos mgrin gcig tu rdo rje
174a4 'chang la bstod pa/ thugs rje chen po'i 'od zer stong dang ldan// rang byung chen po bdag nyid sku// ye nas dag pa chos kyi sku// lhun gyis grub pa longs spyod rdzogs pa'i sku// bya btsal bral bas rdo rje snying po'i
174a5 sku// khyod ni sems can thams cad kyi pha'o// khyod ni sems can thams cad kyi ma'o// bdag cag rnams la skyabs dam pa mdzad du gsol/ zabs dam pa mdzad du gsol/ bshes gnyen chen pos lung bstan
174a6 du gsol// zhes zhus pas/ yang smras pa/ nyid kyi rang bzhin ni 'gyur ba med pa'o// ston pa ni nga nyid do// bstan pa ni nga las byung ba'i chos so// zhing khams ni mthun pa'i grogs so// zhes bka' stsal to//
iiif viewer powered by OpenSeadragon
Texts on this page
Gpb006.007 - sku'i rgyud pad+ma 'khyil pa