| e-texts navigator |
| བོད་ཡིག |
163b1 rtogs sgyu ma'i rang bzhin rnam rtog cir mi bsam/ bsam pa kun spangs ye shes mtsho mi g.yo/ de'i ngang las ma bskyod lhan ne zhog/ lhan ne lhang nger bzhag na mnyam pa chen po yin/ lus mi bskyod/ ngag mi
163b2 brjod/ sems sgo drug 'khrul pa yul las 'das nas/ yul spros pa dang bral ba ni bsgom pa'i don to// lta ba kun tu bzang po khams gsum thig ler btab// spyod pa kun tu bzang po 'khor ba
163b3 bde bar spyod// dam tshig kun tu bzang po ye srungs gdengs dang ldan// phrin las kun tu bzang po ma btsal lhun gyis grub// mdo drug la/ ngo bo nyid chos kyi sku dang / ye shes chos kyi sku dang / gnas lugs
163b4 dang / snang lugs dang / chos kyi mthar gtugs pa dang / man ngag gi klong rdol ba'o// man ngag klong rdol ba la gnyis te/ yon tan gyi sku'i klong rdol ba dang / man ngag gi mdo drug gis ye shes kyi ma bu sprad
163b5 do// dang po 'khor ba thog ma med pa'i gnas lugs nas/ gser mig dbus su rdzogs par bstan pa ni/ gser mig kho na smra ba'i tshig go/ rin chen gser dang 'dra ste kun la dkon/ ye shes mig dang rtag tu
163b6 'grogs te/ de phyir gser mig zhes kyang de la bya/ pad+ma 'khyil pa'i rgyud las/ rin po che gser mig gi man ngag bstan pa'i le'u ste gnyis pa'o// // de nas 'khor ba'i grub tshul 'di dag bka' stsal te/
iiif viewer powered by OpenSeadragon
Texts on this page
Gpb006.007 - sku'i rgyud pad+ma 'khyil pa