| e-texts navigator |
| བོད་ཡིག |
131b1 gsang bdag nyon cig/ sangs rgyas chos kyi sku rang gi snying gi dkyil na bzhugs so// ye shes zang thal gyi sku rang gi mig gi dkyil na bzhugs so// sangs rgyas khro bo'i sku rang gi klad pa'i dkyil na bzhugs
131b2 so// rang gi lus 'di la sangs rgyas kyi grong khyer nyi khri chig stong bzhugs yod do// grong khyer de dag thams cad sangs rgyas kyi skus khengs nas yod do// kye gsang bdag nyon cig/ rang gi spyi bo bde ba chen
131b3 po'i rtsa'i dkyil na rang byung gi dbang po brgya byin sku mdog dkar por bzhugs so// rang gi lhag pa'i rtsa ba men gyi rwa lta bu de'i nang na rang byung gi thags zangs ris sku mdog ljang gur bzhugs so// rang gi
131b4 snying ga na rang byung gi shAka thub sku mdog ser po bzhugs so// rang gi rgyab kyi srog rtsa dmar po'i nang na rang byung gi rab brtan mthing gar bzhugs so// lte ba sprul pa'i rtsa ba na rang byung gi kha 'bar ma dmar
131b5 por bzhugs so// rang gi rkang pa'i mthil gyi rtsa dkyil na rang byung gi chos rgyal nag por bzhugs so// gsang bdag rang gi spyi bo nas rkang mthil yan chad sangs rgyas kyi grong khyer du shes par gyis shig ces
131b6 bka' stsal to// ye shes mar me'i rgyud las rang gi lus la sangs rgyas kyi grong khyer bzhugs tshul bstan pa'i le'u ste gnyis pa'o// // de nas yang zhus pa/ kye bcom ldan 'das sangs rgyas kyi
iiif viewer powered by OpenSeadragon
Texts on this page
Gpb006.004 - ye shes mar me'i rgyud