rKTs

e-texts navigator

Page

347b₁ lung dang man ngag kyang // gud na yod pa ma yin te// rig pa'i ye shes nyid du bstan// rgyud kyi rgyal po bshad du med// lung gi dngos po rtsol ba bral// man ngag dngos po don la 'brel// rang rig rtsa ba'i rgyud
347b₂ chen ma shes na// sems can rtsol bral dgongs pa thob par ga la 'gyur// thams cad tshig la yin pas don la thug pa med// 'gyur med rtsa rlung ma shes na// sems can tshig la rten 'cha' bas// lung la thug
347b₃ pa med par 'gyur// stong pa'i shes rab ma shes na// chos la thug pa med par 'gyur// dbyings dang rig pa ma shes na// don la thug pa med par 'gyur// snang ba chos skur ma shes na// dkyil 'khor thug pa
347b₄ med par 'gyur// 'gyur med ka dag ma shes na// sku la thug pa med par 'gyur// 'khrul bral rtog sangs ma shes na// thugs la thug pa med par 'gyur// grag stong 'dzin med ma shes na// gsung la thug pa
347b₅ med par 'gyur// rang byung ye rdzogs ma shes na// yon tan thug pa med par 'gyur// ma btsal lhun grub ma shes na// phrin las thug pa med par 'gyur// snang ba cig chod ma shes na// lta ba thug pa med par
347b₆ 'gyur// ri bo cog bzhag ma shes na// bsgom pa thug pa med par 'gyur// 'gag med shugs 'byung ma shes na// spyod pa thug pa med par 'gyur// lu gu rgyud du ma shes na// 'bras bu thug pa med par

_{iiif viewer powered by OpenSeadragon}

347a - 348a

Texts on this page