| e-texts navigator |
| བོད་ཡིག |
334b1 stobs dang ldan par 'gyur/ ye shes chags pa med pa'i phyir// lha thig le 'gul 'phrig med pa/ tshogs btson du bzung byas na// dngos grub thams cad nye bar 'gyur// rig pa kun tu yas pa'i phyir// snying po'i
334b2 rgyun thag bcad byas na// bskyed rim thams cad gsal bar 'gyur// rig pa rtsol bsgrub bral ba'i phyir// tshogs la bsag tu med pas na// sbyin pa thams cad rdzogs par 'gyur// rang rig btang bzhag
334b3 bral ba'i phyir// thabs gzung 'dzin/ dang shes rab ya phral na// rang don thams cad rnyed par 'gyur// rig pa gcer bur yod pa'i phyir// rgyu 'bras ma rig pa las mgo 'jug ldog pas na// skye ba med pa thob
334b4 par 'gyur// rgyu yis bskyed du med pa'i phyir// kun gzhi rtsad nas bcad pa na// mngon sangs rgyas par 'gyur ba yin// chos sku gdod nas dag pa'i phyir// gsad gcad las rnams byas pas na// dge
334b5 ba thams cad 'phel bar 'gyur// rig pa srog dang bral ba'i phyir// rang snang ye shes rtogs lugs de bzhin no// e ma ho// snang ba'i ye shes gsal ba che// rtog bral ye shes phyogs dang bral// rdzogs chen
334b6 gsang ba'i ye shes ni// kun gyi rtse mor gyur pa'o// rdzogs chen blta ba'i dper mtshon ni// khyung chen mkha' la ldings dang mtshungs// theg pa'i rang skad grangs mang yang // dper na seng ge wa skad 'don dus
iiif viewer powered by OpenSeadragon
Texts on this page
Gpb005.011 - seng ge rtsal rdzogs chen po'i rgyud