| e-texts navigator |
| བོད་ཡིག |
314b1 dang ni dran byed yul du med// snang ba'i ye shes dngos po'i mtha' dang bral// chos kyi sku yi snang ba rang gsal ni// rang gi ngang las rang gi sku la thim// sku dang ye shes tshig la mi gnas na// gsang sngags rang
314b2 byung dgongs pa bcos pa med// bgrang du med pas tshig chod rnam par dag/ gzigs snang thabs la mi 'gag don gsal ba// yul du med la rang gi yul la gnas// dbus dang mtha' med gsang sngags tshad
314b3 ma nyid// rang snang yin par kun tu bzang pos bstan// phyogs lhung ma yin phyogs dang ris las 'das// e ma ho// nang med nang nas nor bu rin chen mdzod phyung ba// rgyal ba rnams kyi mi 'dzad gter yin/
314b4 pas// de yi don la ma yengs chags pa med par spyad// e ma ho// rang gi sa la sangs rgyas rnams kyi sku shar ba// 'du shes yul du med pa'i zhi ba'i ngang // snang ba rang la yas pa'i rang snang dngos med
314b5 nyid// rtog pa'i phyogs su ma lhung rang rig gdangs la 'dug/ snang ba'i sems bral chos nyid dngapal spyod pa'i don// sgro bsdu ma byas rang gi yul la blta bar bya// gting mtha' med pa'i chos nyid kun tu
314b6 bzang // yin dang min pa'i mtha' gnyis rnam par gsal// lhag chad med pa'i nor bu rin po che// skye 'bri med pa'i ngang du rtog pa chod// bsams pas ye shes don mi rnyed// bsams pas ye shes don rnyed
iiif viewer powered by OpenSeadragon
Texts on this page
Gpb005.011 - seng ge rtsal rdzogs chen po'i rgyud